Віншуем!

15 верасня ў Нацыянальнай бібліятэцы Беларусі сабраліся бібліятэкары са ўсіх куточкаў краіны, каб адзначыць прафесійнае свята – Дзень бібліятэк

У межах мерапрыемства адбылася ўрачыстая цырымонія ўзнагароджвання пераможцаў ХХІХ Рэспубліканскага конкурсу “Бібліятэка – асяродак нацыянальнай культуры”.  Пераможцамі сталі 24 публічныя бібліятэкі ў чатырох намінацыях: “За падтрымку і развіццё чытання”, “За значны ўклад у выхаваўчую работу з падрастаючым пакаленнем”, “За пошукавую і даследчую працу”, і “За навацыі ў галіне бібліятэчнай справы”.  У намінацыі “За значны ўклад у выхаваўчую работу з падрастаючым пакаленнем”, узнагароджана бібліятэка аграгарадка Любішына дзяржаўнай установы культуры “Чэрвенская цэнтральная раённая бібліятэка” Мінскай вобласці. Віншуем Раісу Уладзіміраўну Копать з заслужанай перамогай у конкурсе і з узнагародай!!!