Студзеньскае пасяджэнне літаратурна-паэтычнага клуба “Ветразь” было прысвечана творчасці беларускай паэтэсы Веры Вярбе. Літаратурна-паэтычны вечар «Сябе як помню ад калыскі…» прайшоў ў гонар 80-годдзя з дня яе нараджэння.
У пачатку сустрэчы сябры клуба з
вялікім задавальненнем праслухалі запіс песьні “Ручнікі” (“У суботу Янка ехаў
ля ракі”) на словы паэтэсы ў выкананні знакамітага ансамбля “Песняры”. Потым
удзельнікі пасяджэння пазнаёміліся з жыццёвым і творчым шляхам юбіляркі.
Сябра клуба Уладзімір Адамовіч
прыгадаў, што вучыўся разам з будучай паэтэсай у БДУ на філалагічным
факультэце. Ён адзначыў, што яе вершы выклікаюць шмат эмоцый, наводзяць на
ўспаміны, вызываюць розныя пачуцці. Яны пранікнёныя, шчырыя і пяшчотныя. У
выкананні Уладзіміра Паўлавіча прагучалі
паэтычныя творы “Вяртанне” і “Мой край”.
Узнёсла і выразна чыталі вершы паэткі сябры
клуба Людміла Чаркоўская, Зоя Сушкевіч, Алена Шульга, Сафія Кайрыс.
Рубрыка “Наш каляндар” была прысвечана
130-годдзю з дня нараджэння паэта, перакладчыка, фалькларыста Алеся Гурло. Удзельнікі
сустрэчы узгадалі жыццё і творчасць юбіляра, прачыталі паэтычныя творы, у якіх
ён услаўняў нашу савецкую рэчаіснасць.
Наступнае 370-е пасяджэнне клуба
пройдзе 24 лютага. Яно будзе прысвечана творчасці пісьменніка Алеся Наўроцкага,
а рубрыка “Наш каляндар” – паэту Алесю Пісьмянкову.
Комментарии
Отправить комментарий