«Нявыдуманыя апавяданні Ніны Мацэвіла» – так называўся літаратурны вечар, які зладзілі ў музеі Станіслава Манюшкі ў Смілавічах. На сустрэчу з пісьменніцай завіталі бібліятэкары і творчая інтэлігенцыя гарадскога пасёлка.
З госцяй прысутных пазнаёміла намеснік дырэктара Чэрвеньскай цэнтральнай
раённай бібліятэкі Алена Адамовіч. Яна патлумачыла, што Ніна Мацэвіла – гэта
творчы псеўданім Ніны Іванаўны Рудай. Родам пісьменніца з вёскі Лысіца
Нясвіжскага раёна. Пасля заканчэння Мінскага дзяржаўнага педагагічнага інстытута
працавала перакладчыкам.
Пісаць прозу яна пачала ўжо ў сталым узросце, дзякуючы ўнукам. Менавіта яны
прапанавалі бабулі занатаваць усё тое, што было распаведзена пра сваё жыццё. Не
толькі дзеля таго, каб засталіся ўспаміны для сям’і, але і для будучых
пакаленняў, каб ведалі сваю гісторыю.
Спачатку апавяданні Ніны Іванаўны друкаваліся ў беларускім
літаратурна-мастацкім часопісе “Нёман” і дзіцячых часопісах, а потым пачалі
выходзіць асобнымі кнігамі ў выдавецтвах.
Ніна Мацэвіла – фіналістка міжнароднага літаратурнага конкурсу “OpenEurasia” (Стакгольм, 2017год)
і пераможца міжнароднага літаратурнага конкурсу “Русский Stil-2019” (Парыж, 2019год).
Піша на рускай мове ў жанры мастацка-дакументальнай прозы з мяккім гумарам
і тонкім лірызмам. Пабачылі свет кнігі апавяданняў аб прыродзе і жывёлах: “Последняя
гроза”, “Жили-были два кота”, “Сороки да вороны”.
У празаічных творах пісьменніца вучыць, акрамя любові да прыроды, яшчэ
дзвюм галоўным якасцям, якімі валодае сама – назіральнасці і ўспрымальнасці. Выданні
аўтара адрасаваны як дзецям, так і дарослым.
Чакаецца, што сёлета выйдзе кніга апавяданняў Ніны Мацэвіладля сямейнага
чытання “Отсветы моего детства”. Шэсць з іх для прысутных прачытала ўнучка аўтара
–актрыса і рэжысёр Аляксандра Шпартава.
Затым адбылася душэўная размова пра жыццё і быт беларусаў у ваенныя,
пасляваенныя, шасцідзясятыя, сямідзясятыя, васьмідзясятыя гады мінулага
стагоддзя.
Напрыканцы літаратурнага вечара Ніна Іванаўна падаравала нашай
бібліятэцы свае кнігіз аўтографамі.
Закончылася сустрэча экскурсіяй па адзінаму ў свецемузею Станіслава Манюшкі,
якую прафесійна, адкрыта і шчыра правяла навуковы супрацоўнік Ірына Серада.
СВЯТЛАНА ЖДАНОВІЧ,
загадчыца аддзела абслугоўвання і інфармацыі
цэнтральнай
раённай бібліятэкі
Комментарии
Отправить комментарий