СЛОВА КУПАЛЫ ДА ТВОРЧАСЦІ КЛІЧА 2024

 

АРГАНІЗАТАРЫ:

- Галоўнае упраўленне культуры Мінаблвыканакама; 

- ДУ “Мінская абласная бібліятэка імя А.С.Пушкіна”;

- аддзел ідэалагічнай работы, культуры і па справах моладзі Маладечненскага райвыканкама. 

- Маладзечанская цэнтральная раенная бібліятэка.

ПАРТНЕРЫ:

-Мінскае абласное аддзяленне Саюза пісьменнікаў Беларусі;

-Дзяржаўны літаратурны музей Янкі Купалы; 

-Выдавецкі дом «Звязда» - газета «Літаратура і мастацтва»; 

-Народны клуб кампазітараў і паэтаў «Жывіца».

Парадак правядзення 

 Злёт праводзіцца ў г. Маладзечна Мінскай вобласці ў рамках XXIII Нацыянальнага фестывалю беларускай песні і паэзіі  "Маладзечна - 2024". 

Цэнтральныя раённыя бібліятэкі Мінскай вобласці сумесна з мясцовымі літаратурнымі аб’яднаннямі вылучаюць для ўдзелу здольных да літаратурнай творчасці маладых людзей ва ўзросце  ад 16 да 30 гадоў, якія не з'яуляюцца членамі прафесійных паэтычных і пісьменніцкіх саюзаў, суполак і з 1 сакавіка па 1 мая 2024 года дасылаюць матэрыялы-прадстаўленні на адрас бібліятэкі.

УМОВЫ

Кожнаму ўдзельніку неабходна напісаць апавяданне, верш, мініяцюру або эсэ на тэму, якая адпавядае тэмам, прапанаваным арганізатарамі конкурсу: 

1. “Месца творчасці Купалы ў сучаснай рэчаіснасці.”,

2. “ Слова светлае, слова шчырае…”, 

3.“Люблю цябе, мая Радзіма!”.

Матэрыялы-прадстаўленні ўключаюць наступныя звесткі: 

прозвішча, імя і імя па бацьку ўдзельнікаў; узрост; месца вучобы або працы; 

фотаздымак 3х4 см; 

нумары кантактных тэлефонаў; 

электронны і паштовы адрас; 

творчыя работы на заяўленую тэму.

КРЫТЭРЫІ АДБОРУ КОНКУРСНЫХ РАБОТ

- раскрыццё тэматыкі конкурснага твора; 

- мастацкая каштоўнасць твора; 

- тэхніка вершаскладання; унікальнасць;

 - яркасць і арыгінальнасць падачы матэрыялу.

Да ўдзелу ў конкурсным адборы не дапускаюцца работы, у якіх прысутнічае ненарматыўная лексіка, заклікі да экстрэмізму, прапаганда жорсткасці, а таксама работы, якія парушаюць заканадаўства Рэспублікі Беларусь.

Журы, у склад якога ўваходзяць вядомыя беларускія пісьменнікі на чале са старшыней Беларускага саюза пісьменнікаў , да 1 чэрвеня 2024 года праводзіць адбор лепшых дасланых конкурсных раброт з мэтай вызначэння найбольш здольных пачаткоўцаў для наступнага ўдзелу ў Свяце паэзіі, што адбудзецца ў рамках злету падчас XXIII Нацыянальнага фестываля беларускай песні і паэзіі  "Маладзечна - 2024". 

Лепшыя работы ўдзельнікаў злёту будуць апублікаваны  на тэматычнай старонцы сайта Мінскай абласной бібліятэкі імя А. С. Пушкіна, прысвечанай літаратурнаму конкурсу “Слова Купалы да творчасці кліча”, а таксама на старонках друкаваных выданняў у перыядычным друку абласнога узроўню.