Літаратурная гадзіна “Чароўныя мелодыі беларускай мовы”

 19 лютага ў Смілавіцкай гарпасялковай бібліятэцы адбылася літаратурная гадзіна “Чароўныя мелодыі беларускай мовы”, прысвечаная Міжнароднаму дню роднай мовы. Удзельнікі- вучні 1-2 класаў сярэдняй школы №1.

Сустрэча пачалася з гутаркі пра значэнне роднай мовы ў жыцці чалавека і народа.  

Далей дзеці пазнаёміліся з беларускімі прыказкамі і прымаўкамі, якія адлюстроўваюць мудрасць і назіральнасць нашых продкаў.  

Наступным этапам стала праца з загадкамі. Дзеці адгадвалі загадкі пра жывёл, з’явы прыроды і прадметы побыту. Гэтая частка сустрэчы прайшла асабліва жвава: кожны імкнуўся хутчэй знайсці правільны адказ.

Завяршылася мерапрыемства размовай пра беларускія казкі. Дзеці даведаліся, якія бываюць віды казак і адгадалі казкі па малюнку.